ხეების ჭრა ამაზონში

2017 წლის აგვისტოდან 2018 წლის ივლისამდე ამაზონის ტყეში 7 900 კვადრატული კილომეტრი ტყე განადგურდა. 

სამეცნიერო ჟურნალ Science Advances-ში გამოქვეყნებული კვლევის თანახმად, თუკი ხეების გაჩეხვის პროცესის (დეფორესტაცია) მაჩვენებელი 20%-ს ასცდება, ამაზონის ტროპიკული ტყეების განადგურება გარდაუვალი იქნება.

ბოლო 50 წლის განმავლობაში დეფორესტაცია შეეხო ამაზონის მცენარეულობის 17%-ს, კიდევ სამი პროცენტის დამატებით კი ტყეების გადარჩენა შეუძლებელი გახდება.


პლანეტის ყველაზე წყალუხვი მდინარის ტყეების რეგიონის განადგურებაში მნიშვნელოვან როლს ასევე ასრულებს კლიმატის ცვლილება და ხანძრები. გარდა ტროპიკული ტყისა და მისი ველური ბუნების შესაძლო მოსპობისა, მოიშლება წყლის ციკლიც, რაც სერიოზულ საფრთხეს შეუქმნის სამხრეთ ამერიკის მოსახლეობას.

3 ორგანული სასუქი

იმ შემთხვევაში, თუ გსურთ, რომ მინიმალური დანახარჯებით, ეკოლოგიურად სუფთა და ჯანსაღი პროდუქტი მოიყვანოთ, ამისთვის სასარგებლო ელემენტებით მდიდარი, ორგანული სასუქი გამოგადგებათ, რომელიც მცენარეს სრულფასოვან ზრდა-განვითარებაში დაეხმარება, თქვენ კი კარგი მოსავალს მიიღებთ.

ნაცარი- რომელიც მთელი ზამთრის განმავლობაში გროვდება, დახურულ ჭურჭელში სწორად შენახვის შემთხვევაში, ერთ-ერთი საუკეთესო ბუნებრივი სასუქია, რადგან ის უამრავ მიკროელემენტს შეიცავს, მათ შორის - კალიუმს, კალციუმს, ფოსფორს, ნატრიუმსა და მაგნიუმს. ასეთი არაჩვეულებრივი შემადგენლობიდან გამომდინარე, ნაცარი ხელს უწყობს მცენარის სრულფასოვან ზრდა-განვითარებასა და გაჯანსაღებას.

ნაკელი- ნიადაგში შესაძლებელია როგორც ახალი, ასევე მოძველებული ნაკელის შეტანა, თუმცა ორივე ვარიანტს თავისი დადებითი თუ უარყოფითი მხარე გააჩნია. სავარგულზე ახალი ნაკელის დამატების შემთხვევაში, გასათვალისწინებელია, რომ მასში დიდი რაოდენობით სარეველა ბალახების ჯერ კიდევ გადაუმუშავებელი თესლია გადარეული, რამაც მოსავალს დიდი საფრთხე შიძლება შეუქმნას. ამიტომ აჯობებს, თუ მოძველებულ ნაკელს გამოიყენებთ, ის ბევრად უსაფრთხოა, თუმცა საყურადღებოა, რომ ნახევრად გადამწვარი თუ გადამწვარი ნაკელი, ნაკლებ აქტიურ ელემენტს შეიცავს.

ბიუჰუმუსი- ნარჩენების ნიადაგში შეტანა ხელს უწყობს ე.წ. წვიმის ჭიაყელების გამრავლებას, რომელთა ცხოველმყოფელობის ამაღლებაც თავის მხრივ ნიადაგში ზრდის ორგანული ნივთიერებების შემცველობას. ბიუჰუმუსს არაერთი უპირატესობა აქვს. მაგალითად ის გეხმარებათ სავარგულების სარეველა ბალახებისგან დასუფთავებაში, ერთი-ორად ზრდის მოსავლის რაოდენობას და ნიადაგში შხამ-ქიმიკატების შემცველობასაც მნიშვნელოვნად ამცირებს.

პოლიეთილენის პარკები აიკრძალა

2019 წლის 1 აპრილიდან საქართველოში ნებისმიერი სისქის არაბიოდეგრადირებადი პოლიეთილენის პარკების წარმოება და გამოყენება აიკრძალა.

2018 წლის 1 ოქტომბრიდან კი, საქართველოს მთავრობის ტექნიკური რეგლამენტის მიხედვით, 15 მიკრონზე ნაკლები სისქის პლასტიკის პარკების წარმოება, იმპორტი და რეალიზაცია აიკრძალა. ამავე რეგლამენტის მიხედვით, 1 აპრილიდან სრულად აიკრძალა ოქსოდეგრადირებადი პლასტიკის პარკების წარმოება, იმპორტი და რეალიზაცია.

ამ კანონის ამოქმედების შემდეგ, საქართველო პირველი ქვეყანა გახდა რეგიონში, სადაც პოლიეთილენის პარკების გამოყენება აკრძალეს.

პარკების მწარმოებლებს საქართველოს გარემოს დაცვისა და სოფლის მეურნეობის სამინისტრო, მისი გარემოსდაცვითი ზედამხედველობის დეპარტამენტი გააკონტროლებს; პარკების იმპორტს ფინანსთა სამინისტროს საბაჟო სამსახური გააკონტროლებს. პარკების რეალიზატორებს ადგილობრივი თვითმმართველობის ორგანოები. 

10 Major Current Environmental Problems

მანქანის გამონაბოლქვი

ჰაერის ინტენსიურ დამბინძურებელს წარმოადგენს ავტოტრანსპორტი. ამ სახით ატმოსპეროს დაბინძურების საშიშროება ყოველწლიურად იზრდება მოტორიზაციის დონისა და ქვეყნების ურბანიზაციის ზრდასთან ერთად. ერთი ავტომობილის ძრავა 45-ჯერ მეტ ჟანგბადს მოიხმარს, ვიდრე ერთი ადამიანი. 

ავტომობილების გამონაბოლქვი აირების ერთ-ერთი ძირითადი კომპონენტი ნახშირჟანგია, იგი უერთდება სისხლის ჰემოგლობინს და ხელ უშლის ორგანიზმის ხსოვილებში ჟანგბადის შეღწევას.

მანქანის გამონაბოლქვი აირები საკმაოდ საშიშ შემადგენელ ნაწილს წარმოადგენს არაორგანული ტყვიის შემცველი ნაერთები, რომლებიც წარმოიქმნება ბენზინში ოქტანური რიცხვის ასაწევად დამატებული ტეტრაეთილტყვიის წვისას. დიზელური ძრავების გამონაბოლქვებში ტყვია არ ფიგურირებს.

თანამედროვე სამყაროსთვის ეკოლოგიური პრობლემები ყველაზე დიდ საფრთხეს წარმოადგენს. ისინი საუკუნეებთან ერთად იზრდებოდა და მომავალშიც განაგრძობს ზრდას, თუ ადამიანები არ გაერთიანდებიან და არ იბრძოლებენ მათ აღმოსაფხვრელად.

   

მანქანების გამონაბოლქვის პრობლემის დასაძლევად მნიშვნელოვანია გამონაბოლქვის შემცირება, ამის მისაღწევად კი საუკეთესო გზა იქნება ჰიბრიდული და ელექტრო მანქანების გამოყენება. 

ნარჩენების გადამუშავება

ჩვენს მიერ გამოყენებული მრავალი პროდუქციის ნედლი მასალა ბუნებრივი რესურსებისაგან მიიღება. დღესდღეისობით მოსახლეობის ზრდასთან ერთად გაზრდილი მოხმარება ამ ბუნებრივი რესურსების შემცირებას იწვევს. ბუნებაში შეზღუდული რაოდენობით არსებული ამ რესურსების დასაცავად წარმოებაში ალტერნატიული მეთოდების გამოყენება გარდაუვალია. ამის ერთ-ერთი გზა კი ნარჩენების გადამუშავებაა.

ნარჩენების გადამუშავება, გარკვეული ნარჩენების სხვადასხვა ფიზიკური ან ქიმიური პროცედურების გავლით მეორად ნივთიერებად გადაქცევა და წარმოების პროცესში ისევ ჩართვა გახლავთ.

რკინა, ფოლადი, სპილენძი, ტყვია, ქაღალდი, პლასტმასი, ალუმინი, კაუჩუკი, მინა და მათი მსგავსები ის ნარჩენებია, რომელთა გადამუშავებაც შესაძლებელია. ასევე გადამუშავებისათვის ხელსაყრელია ელექტრო ნარჩენები, აკუმულატორები, ცხიმები. ამ ნარჩენების გადამუშავება და ისევ გამოყენება ბუნებრივი რესურსების ამოწურვას აღკვეთს.

ნარჩენების გადამუშავება ბუნებრივი რესურსების დაცვასთან ერთად ნედლეულის ხარჯებსა და წარმოებაში მოხმარებული ენერგიის რაოდენობას ამცირებს.

გადამუშავების კიდევ ერთი უპირატესობა გახლავთ გასანადგურებელი მყარი ნარჩენების რაოდენობის შემცირება. ამგვარად მცირდება ნარჩენების მიერ გარემოსათვის მიყენებული ზიანი და ხდება შესანახი სივრცის დაზოგვა.

ჯანსაღი გადამუშავების პირველი საფეხური ნარჩენების თავიდანვე დამუშავებაა. გადასამუშავებელი ნივთიერებების სხვა ნარჩენებთან არ შერევა და გადამუშავების ყუთების სწორად გამოყენება ძალიან მნიშვნელოვანია. 
ნარჩენების გადამუშავებით შესაძლებელია ბუნებრივი რესურსების დაცვა და ენერგიის დაზოგვა.

რა არის ეკოლოგია?

ეკოლოგია ბიოლოგიის ნაწილია, რომელიც ცოცხალ ორგანიზმებს შორის ურთიერთკავშირებს, აგრეთვე ცოცხალ ორგანიზმებსა და მათ საცხოვრებელ გარემოს ურთიერთდამოკიდებულებას შეისწავლის.

ტერმინი "ეკოლოგია" ზოგჯერ ცნების "გარემოს დაცვა" აღსანიშნავადაც გამოიყენება, თუმცა ბოლო წლებში ამ ორი ტერმინის გამიჯვნის ტენდენცია შეიმჩნევა , სადაც "ეკოლოგია" აღნიშნავს ბიოლოგიის დარგს, ხოლო "გარემოს დაცვა" - ადამიანის საქმიანობის შედეგად მისი გარემოს დეგრადაციასთან დაკავშირებულ საკითხებს.

არსებობს ტერმინის "ეკოლოგია" კიდევ რამდენიმე განმარტება:

·  ეკოლოგია არის მეცნიერება, რომელიც მიმართულია ცოცხალ არსებათა განთავსების და განაწილების, მათ გარემომცველ სამყაროსთან ურთიერთობის და წონასწორობის პირობების შეცნობისაკენ.

·      ეკოლოგია ბუნების ეკონომიკაა.

· ეკოლოგია გარემოს ორგანულ და არაორგანულ კომპონენტებთან ცოცხალი ბუნების ურთიერთობების შემსწავლელი მეცნიერებაა.

·   ეკოლოგია არის მეცნიერება, რომელიც ცოცხალ ბუნებაში არსებულ რთულ ურთიერთკავშირებს სწავლობს.

ეკოლოგიის დარგები

·        ანთროპოეკოლოგია - ადამიანის ეკოლოგია

·        გარემოს დაცვა - გამოყენებითი ეკოლოგია

·        გეოეკოლოგია

·        დინამიური ეკოლოგია

·        ზოგადი ეკოლოგია - ბიოეკოლოგია

·        სოციალური ეკოლოგია